Cairde an Oireachtais

An tOireachtas

Tá Cairde an Oireachtais ag réiteach d’Oireachtas na Samhna 2018 i gCill Airne, Co. Chiarraí, anois agus ag súil leis na seisiúin cheoil agus amhránaíochta, na drámaí, na lúibíní agus na hagallaimh bheirte, an scéalaíocht, an damhsa ar an sean-nós, an Club Amhránaíochta, Pádraig Ó Sé agus a chairde ag Club na Féile… agus na mílte ócáidí eile ar féidir a bheith ag súil leo ag an Oireachtas.

Ní gá do dhaoine óga faoi 18 clárú linn - tá siad inár gcroíthe cheana féin! Beidh fáilte rompu chuig gach ócáid ach tuismitheoir nó caomhnóir ainmnithe a bheith ina gcomhluadar.

Mar chara an Oireachtais, gheobhaidh tú aitheantas i gClár na Féile ag Oireachtas na Samhna 2018. Déanfar gach síntiús a thiocfaidh isteach in am a fhoilsiú i gClár Oireachtas na Samhna.

Dóibh siúd a thugann síntiús d’íosmhéid €100, cuirfear an pacáiste thíos ar fáil:

  • Ollticéad na Féile a thabharfaidh iontráil isteach chuig gach imeacht duit
  • Clár Oifigiúil na Féile 2018
  • Seolfar ‘Lóchrann’, Nuachtlitir an Oireachtais chugat ar líne ar feadh bliana;
  • Iontrálfar d’ainm i gCrannchur le haghaidh Lóistín Deireadh Seachtaine do Bheirt