Déanann Gradaim Chumarsáide an Oireachtais ceiliúradh ar ardchaighdeán agus ar shár-iarrachtaí a chuirtear i gcrích in earnáil na cumarsáide Gaeilge gach bliain. Tá fás agus forás tagtha ar Ghradaim Chumarsáide an Oireachtais le cúig bliana déag anuas faoi mar atá ar an earnáil lena mbaineann siad.  Is iontach an deis iad na Gradaim le haitheantas a thabhairt do na hiriseoirí, na láithreoirí teilifíse & raidió, lucht déanta clár agus aisteoirí a rinne cion thar na bearta le dhá mhí dhéag anuas. Bíonn Ócáid Bhronnta na nGradam ar cheann de bhuaicphointí fhéilire na nGael agus lucht na meán Gaeilge gach bliain.

Is iad na catagóirí Gradam a bhíonn ann ná:

  • Sraith Teilifíse na Bliana
  • Scannán/Clár Teilifíse na Bliana
  • Craoltóir Teilifíse na Bliana
  • Aisteoir na Bliana
  • Clár/Sraith Raidió na Bliana
  • Craoltóir Raidió na Bliana
  • Iriseoir/Colúnaí na Bliana
  • Láithreán Gréasáin na Bliana
  • Réalta Óg na Bliana
  • Buaic-Ghradam Cumarsáide an Oireachtais