Nicolás Beag: Eachtraí

Gradam Uí Shuilleabháin | Gradaim Fhoilsitheoireachta | An tOireachtas

Nicolás Beag: Eachtraí
FOILSITHEOIR: Dalen Éireann
AISTRITHEOIR: Séamus Ó Coileáin

 

Achoimre Leabhair
Seo Nioclás Beag, buachaill scoile atá lán d’fhuinneamh agus de dhiabhlaíocht agus a bhíonn i gcónaí i dtrioblóid. Is cuma más ar scoil nó sa bhaile atá sé, bíonn sé ina liútar éatar nuair a bhíonn Nioclás agus a chairde le chéile. Ba é René Goscinny, údar iomráiteach Asterix, agus an maisitheoir leabhair, Jean-Jacques Sempé, a thug brí agus beocht d’eachtraíocht Niocláis, eachtraíocht a chuaigh i gcion ar léitheoirí ar fud an domhain mhóir. Tá deis anois againn scéalta na heachtraíochta sin a léamh nó a athléamh inár dteanga féin.

Séamus Ó Coileáin
Is ó Áth an tSléibhe in Iarthar Luimnigh do Shéamus Ó Coileáin. Chuaigh sé ar an ollscoil i gCorcaigh. Tá sé i mbun aistriúcháin le breis is scór bliain agus múineann sé scileanna aistriúcháin do mhic léinn BA agus MA in Ollscoil na hÉireann, Gaillimh. Ar na haistriúcháin eile litríochta dá chuid a foilsíodh go dtí seo, tá An tAilceimiceoir (Coiscéim, 2010), leagan Gaeilge de The Alchemist le Paulo Coelho; Nioclás Beag: Eachtraí agus Nioclás Beag: Eachtraí Eile (Dalen Éireann, 2019), leaganacha Gaeilge de dhá leabhar sa tsraith Le Petit Nicolas le René Goscinny; Asarlaí Oscartha Oz le L. Frank Baum (2019) agus An Fear nárbh fhéidir a Fheiscint le H.G. Wells (2020). Chomhbhunaigh sé an suíomh idirlín Aistriulitriochta.ie in 2020 ar lár-ionad eolais don aistriú litríochta Gaeilge é.