K.O.S.T.K.A

Gradam Uí Shuilleabháin | Gradaim Fhoilsitheoireachta | An tOireachtas

ACHOIMRE

Sa choimic K.O.S.T.K.A. tá scéal Staszek agus a dhearthár Paweł. Scéal bheirt ógánach a thug orthu an bóthar fada go Vín chun iad féin a ullmhú ann do shaol an duine fhásta. 

ÚDAR: Przemyslaw Wysoglad SJ

Sa bhliain 1987 a rugadh in Wadowice, taobh le Kraków sa Pholainn. Chuaigh sé isteach i gCumann Íosa in 2007. Rinne sé staidéar ar an bhfealsúnacht in Kraków, agus ar dhiagacht agus spioradáltacht Chríostaíocht an oirthir sa Róimh. Oirníodh é in 2018. Bhí sé ina mhúinteoir i gColáiste an Chorráin i Luimneach ó 2012 go 2014, agus tá sé ina mhinistir óige in Opole in iarthar na Polainne anois.  

AISTRITHEOIR: Mark Ó Fionnáin

Is léachtóir i Roinn na Ceiltise in Ollscoil Chaitliceach Eoin Pól II i Lublin é Mark Ó Fionnáin agus múineann sé cúrsaí san aistriúchán, sa Ghaeilge agus sa chultúr Gaelach. Tá aistriúcháin go Gaeilge ón Rúisis agus ón bPolainnis déanta aige. Scríobh sé Translating in Times of Turmoil, maidir leis na haistriúcháin Ghaeilge a rinne Liam Ó Rinn ar Adam Mickiewicz. Tá sé cáilithe mar aistritheoir Gaeilge freisin, agus i measc na bpríomhréimsí suime agus taighde atá aige tá an Ghaeilge, Gaeilge na hAlban agus Gaeilge Mhanann, litríochtaí na dteangacha sin, agus ceist ghaolmhar an aistriúcháin.