Oíche Nollag na mBan

Imeachtaí Eile | An tOireachtas

Is sean traidisiún é go dtiocfadh mná le chéile ar an 6 Eanáir, Oíche Nollag na mBan, traidisiún atá fós láidir in iardheisceart na tíre agus tá An tOireachtas le blianta bheaga anuas ag iarraidh é a athmhúscailt ar fud na tíre. Bhí 10 n-ócáid ann i 2019 agus tá muid ag súil le tuilleadh ócáidí a spreagadh do 2020.

Tá muid ag tabhairt cuireadh do mhná ócáid a reáchtáil ina gceantar féin Dé Luain, 6 Eanáir 2020. Tá súil againn go dtapóidh mná na hÉireann an deis seo teacht le chéile lena gcairde agus lena muintir le ceiliúradh a dhéanamh Oíche Nollag na mBan.

Cuireann muid  fáilte roimh mhná a bhfuil fonn orthu ócáid Ghaelach a reáchtáil (dinnéar nó lón, ócáid ealaíne, seisiún ceoil, léamha próis mar shampla) na sonraí a chur chuig eolas@antoireachtas.ie agus déanfar í a fhógairt ar na meáin shóisialta agus ar leathanach speisialta facebook atá cruthaithe againn d’Oíche Nollag na mBan https://www.facebook.com/groups/1197604003587735/

Beidh ainmneacha na mban a ghlacann páirt sna hócáidí curtha i hata i gcomhar duais de €60.  Cuirfear ainmneacha na ndaoine a reáchtálann ócáid i hata i gcomhar duais de €100.  Tapaigh an deis, ní bheidh sé i bhfad ag teacht!