Oíche Nollaig na mBan á Athmhúscailt ag An tOireachtas

Is seantraidisiún é go dtiocfadh mná le chéile ar an 6ú Eanáir, Oíche Nolliag na mBan, traidisiún atá fós láidir in iardheisceart na tíre agus anois tá Oireachtas na Gaeilge ag iarraidh é a athmhúscailt ar fud na tíre. Mar a mhínigh Majella Ní Chríocháin, Oifigeach Imeachtaí agus Forbairt Freastail leis an Oireachtas:

‘Tá muid ag iarraidh mná a spreagadh le teacht le chéile i mbialanna agus i dtithe ósta thar timpeall na tíre don chomhluadar agus don cheiliúradh, go mbeidh ithe agus ól, spraoi agus craic agus muintearas ann. Tá súil againn go dtapóidh mná na hÉireann an deis seo teacht le chéile lena gcairde agus lena muintir Dé Céadaoin 6ú Eanáir 2016 le ceiliúradh a dhéanamh.”

Cuireann an tOireachtas fáilte roimh mhná a bhfuil fonn orthu ócáid Ghaelach a reáchtáil ina gceantar féin ar Oíche Nollaig na mBan (dinnéar nó lón, mar shampla) na sonraí a chur chuig majella@antoireachtas.ie agus déanfar í a fhógairt ar na meáin shóisialta agus ar leathanach speisialta facebook atá cruthaithe acu d’Oíche Nollaig na mBan. Beidh ainmneacha na mban a ghlacann páirt sna hócáidí curtha i hata i gcomhar duais de €100 freisin. Chomh maith leis sin, cuirfear greamáin ar fáil d’aon bhialann atá sásta fáilte a chur roimh ghrúpa ban ar an Oíche.  Cheana féin tá na hócáidí seo a leanas socraithe:

Baile Átha Cliath: Raghnallach - Dinnéar sa ‘Bhialann’ @ 7pm. €30 don bhiachlár socraithe (trí chúrsa). Beidh bean a bhfuil amhráin Ghaeilge aici ag casadh ar an oíche.  Le háit a chur in áirithint, cuir téacs nó glaoch ar Louise Ní Dháibhéad ag 087 1005439.

Omaigh: Béile in Grants, 7.30pm, tuilleadh eolais ag Michaeline Donnelly 0044 7955 592969

Conamara, Gaillimh : Gach eolas ag Majella Ní Chríocháin 087 9776852.

Gaoth Dobhair: Beidh lón á reáchtáil ag Anna Ní Bhroin, sonraí le teacht.

Tuilleadh Eolais:
Majella Ní Chríocháin
Ríomhphoist: majella@antoireachtas.ie
Soghluaiste: 087 9776852
Suíomh: www.antoireachtas.ie