TEIDEAL Bainisteoir Tionscadail
TUARASTAL €54,764
LÁTHAIR OIBRE Obair Chumaisc
Beidh cruinnithe foirne ar siúl go tráthrialta agus iarrfar ar gach oifigeach freastal ar na cruinnithe seo ar an láthair seachas go fíorúil. Beidh eagrú imeachtaí ina dhlúthchuid den chlár oibre agus mar sin beidh uaireanta oibre oíche agus deireadh seachtaine i gceist.
TRÉIMSHE Conradh 2 bhliain agus gabhann tréimhse promhaidh sé (6) mhí leis.
MAIDIR LINN An mhóraidhm atá ag Gréasán Gaeilge na hEarnála Poiblí ná deiseanna a chruthú do na daoine atá fostaithe san Earnáil Phoiblí a bhfuil spéis acu sa Ghaeilge:
- aithne a chur ar chomhghleacaithe fud fad na hearnála;
- bualadh leo ag ócáidí rialta Gaeilge/dhátheangacha;
- comhluadar le Gaeilge a chothú ina dtimpeallacht oibre;
- leas agus sult a bhaint as deiseanna siamsa, dioscúrsa agus caithimh aimsire trí Ghaeilge.
Tá sé beartaithe 4 mhór-imeacht a reáchtáil in aghaidh na bliana, mar aon le himeachtaí réigiúnacha, sainspéise agus eile a bheidh saor in aisce do bhaill an Ghréasáin.
PRÍOMHFHREAGRACHTAÍ
- Plean Gréasán na hEagraíochta a chur i bhfeidhm;
- Clár Imeachtaí Siamsa / Sainspéise chomh maith le Turais / Camchuairteanna a leagan amach agus a stiúradh;
- Straitéis Margaíochta a ullmhú & a chur i bhfeidhm;
- Clár Taighde & Aiseolais a bhainistiú;
- Dea-chaidreamh agus cumarsáid éifeachtach le hinstitiúidí na hearnála poiblí, leis an bpobal agus le páirtithe leasmhara eile a dheimhniú agus a fhorbairt;
- Feachtais i dtaca le leathnú labhairt na Gaeilge a bhunú agus a stiúradh go tráthrialta;
- Faisnéis cothrom le dáta a bhailiú maidir leis an bpobal ar a bhfuilimid ag freastal orthu (suirbhéanna/aiseolas/moltaí);
- Buiséad a bhainistiú;
- Tuairiscí tráthrialta a chur ar fáil maidir le cur i gcrích chuspóirí an Phlean Gréasán; &
- Dualgais eile de réir mar is gá.
RIACHTANAIS DON PHOST
- Sárscileanna ceannaireachta, bainistíochta, eagrúcháin agus cumarsáide mar aon le pearsantacht spreagúil, ceannródaíoch;
- Eolas ar an earnáil phoiblí, ar ghníomhaireachtaí stáit agus ar pháirtithe leasmhara eile;
- Ardchaighdeán scríofa agus labhartha i nGaeilge agus i mBéarla;
- Súil ghéar anailíseach i mbun oibre; &
- Muiníneach, tiomanta agus ábalta baill foirne agus oibrithe deonacha a bhainistiú.
INMHIANAITHE
- Taithí ar Bhainistiú Foirne;
- Taithí Margaíochta; &
- Cáilíocht Cumarsáide.
Tugtar an méid seo thuas mar threoir ghinearálta ar chúraimí agus fhreagrachtaí. Ní gá gur cur síos iomlán é ar dhualgais uile an phoist.
Tá an tionscadal seo á mhaoiniú ag an An Roinn Forbartha Tuaithe, Pobail agus Gaeltachta agus á riar ag An tOireachtas.
PRÓISEAS IARRATAIS
CV agus litir/ráiteas pearsanta (i.e., nach mó ná 300 focal) ina dtugtar breac-chuntas ar an bhfáth a gcreideann tú go gcomhlíonann do scileanna, do thaithí agus do luachanna riachtanais an phoist seo.
Seol iarratas mar aon le CV, roimh Déardaoin, 17 Iúil 2025, chuig: poist@antoireachtas.ie
Is fostóir comhionannas é An tOireachtas agus is í an Ghaeilge teanga oibre na Ceanneagraíochta.