Tairseach

Gradam Uí Shuilleabháin | Gradaim Fhoilsitheoireachta | An tOireachtas

FOILSITHEOIR:  Éabhlóid
ÚDAR: Dairena Ní Chinnéide

Achoimre Leabhair
Cnuasach filíochta machnamhach láidir a chuireann an léitheoir ag smaoineamh ar nithe a rangaítear go hiondúil mar théamaí teibí atá sa leabhar seo. Déanann Dairena an téama a scagadh i slite a bhaineann leis an saol laethúil agus an spás inár saol a thugaimid don chruthaitheacht agus chun éalú ón rud atá coitianta. Tá 85 dán nuascríofa ina canúint áitiúil i gCorca Dhuibhne a fhágann an léitheoir ag machnamh ar théamaí agus ar choincheapa a bhaineann le staideanna atá idir-eatarthu.

Údar
Is as Corca Dhuibhne ó dhúchas do Dhairena Ní Chinnéide. Scríobhann sí dánta i mBéarla agus i nGaeilge. I measc deich gcnuasach filíochta atá foilsithe aici tá Deleted, ó Salmon Poetry (2019), Fé Gheasa: Spellbound ó Arlen House (2016), Cloithear Aistear Anama, Coiscéim (2013), agus Labhraíonn Fungie / Fungie Speaks, Ponc Press (2016). Scríobhann sí leaganacha aistrithe dá filíochta ina cuid cnuasaigh dátheangacha. I measc na ngradam a bronnadh uirthi, tá Patrick and Katherine Kavanagh Fellowship, Dámhachtana Litríochta Gaeilge ón gComhairle Ealaíon agus Ealaín na Gaeltachta, as tionscadail amhail leaganacha aistrithe a dhéanamh d'fhilíocht an bhanfhile Rúisigh, Marina Tsvetaeva, agus iad a stáitsiú mar chuid d'Fhéile Litríochta Gaeilge IMRAM; agus an cnuasach nua seo freisin ar théama na tairseachúlachta.   Is minic a bhíonn sí ar stáitse ag léamh a cuid filíochta ag imeachtaí litríochta agus ag féilte in Éirinn, ar mhór-roinn na hEorpa agus i Stáit Aontaithe Mheiriceá.

Údar