Glaoch ar Iarratais do Dheontais Thacaíochta
Tá An tOireachtas, i gcomhpháirt le hOíche Chultúir, anois ag glacadh le hiarratais d’imeachtaí Gaeilge ar Oíche Chultúir 2025. Ag filleadh don fichiú bliain, tionólfar Oíche Chultúir Déardaoin, 18 Meán Fómhair 2025.
Táimid ag lorg iarratais ar na téamaí seo a leanas ach níltear ag cur ealaíona eile as an áireamh ach oiread: Na Taibhealaíona Teangabhunaithe; Damhsa, Ceol; Na hAmharcealaíona; Ceardaíocht; Litríocht: Dioscúrsa; Turas; Oidhreacht & Scannán.
Is í an aidhm atá ag An tOireachtas ná freastal ar ghréasáin úsáidte Gaeilge timpeall na tíre trí phacáiste tacaíochta a chur ar fáil do ghrúpaí atá lonnaithe taobh amuigh de cheantair Ghaeltachta chun iad a spreagadh le himeacht a reáchtáil trí Ghaeilge ar Oíche Chultúir. Cuimsíonn an pacáiste tacaíochta na nithe seo a leanas: deontas (uasmhéid €250, ach féadfar cás a dhéanamh d’ócáidí eisceachtúla); agus poiblíocht ar na meáin shóisialta, náisiúnta agus áitiúla.
Tá an fhoirm iarratais i nGaeilge ar fáil anseo
Tá leagan Béarla den fhoirm iarratais ar fáil anseo.
SPRIOCDHÁTA NUA D'IARRATAIS: Déardaoin, 19 Meitheamh 2025
#OícheChultúir2025
#OícheDárSaol