|
Lóchrann an Oireachtais
Do chéad fáilte go dtí ár Nuachtlitir. Coinnigh suas chun dáta le nuacht agus le himeachtaí na heagraíochta le linn na bliana.
|
|
|
Comórtais Liteartha an Oireachtais 2020 fógartha
Táimid anois ag glacadh le hiontrálacha do Chomórtais Liteartha an Oireachtais 2020. Tá réimse leathan seánraí i gceist sa chlár comórtais i mbliana, iad seo ina measc: úrscéal, gearrscéal, ficsean d'fhoghlaimeoirí fásta, prós, filíocht, dráma agus eile. Bí ag cumadh agus i mbun pinn i 2020 agus bí mar chuid de réabhlóid scríbhneoireachta na Gaeilge.
|
|
|
|
|
|
|
Gearrliosta na nAmhrán don Chomórtas Náisiúnta Pan Cheilteach
Roghnófar an t-amhrán a sheasfaidh an fhód d’Éireann ag an gComórtas Amhrán Idirnáisiúnta Pan Cheilteach Dé Sathairn, 22 Feabhra 2020 @ 8pm san Amharclann GB Shaw @ VISUAL, Ceatharlach. 20 amhrán a bhain gearrliosta na bliana seo amach. Beidh an comórtas idirnáisiúnta ar siúl ar an 16 Aibreán 2020 i gCeatharlach.
|
|
|
|
|
|
|
Sean-Nós na Fearsaide 2020
Beidh blaiseadh agus léargas á dtabhairt ar thraidisiúin dhúchasacha na tíre, idir amhránaíocht ar an sean-nós, damhsa ar an sean-nós, lúibíní, agallamh beirte agus scéalaíocht le linn an deireadh seachtaine le cuid de na taibheoirí is fearr sa tír. Beidh comórtais amhránaíochta ar an sean-nós agus comórtas do chóracha ar siúl ar Shatharn na Féile chomh maith. Bí linn.
|
|
|
|
|
|
|
Féile Idirnáisiúnta Pan Cheilteach 2020 ag filleadh ar Cheatharlach
Ag glaoch ar Dhamhsóirí, ar Cheoltóirí agus ar Chóracha na hÉireann le páirt a ghlacadh i gComórtais Idirnáisiúnta Pan Cheilteach 2020. Reáchtálfar comórtais fidle, cruite, ceol beirte, córacha agus damhsa idir na tíortha Ceilteacha le linn na féile, a bheidh ar siúl i mBaile Cheatharlach ón 14-19 Aibreán 2020.
|
|
|
|
|
|
|
#parkrunabú!
Táimid ag spreagadh cainteoirí Gaeilge le páirt a ghlacadh in imeachtaí #parkrunabú! timpeall na tíre agus an banda rosta ‘Tá Gaeilge agam’ a chaitheamh. Is éard atá i gceist le parkrun ná go dtiocfaidh daoine le chéile le siúl nó rith 5k a dhéanamh i dteannta a chéile i bpáirceanna nó i spásanna oscailte eile maidineacha Satharn ag tosú ag 9:30 r.n. Tá 2 #parkrunabú! deimhnithe don bhliain seo, ceann i mBaile an Chaisleáin, Co. Chill Dara (22 Feabhra) agus ceann eile san Nás, Co. Chill Dara (7 Márta) agus muid ag súil le tuilleadh #parkrunabú! ag eagrú ar fud an oileáin le linn na bliana.
|
|
|
|
|
|
|
Lóistín d’Oireachtas na Samhna 2020
Tá ráta lóistín aontaithe ag an Oireachtas le hÓstán Bhóthar na Trá, Óstán Chuan na Gaillimhe, Óstán Ardilaun & Óstán Chonnachta do #OnaS2020. Molaimid duit do chuid socruithe lóistín a dhéanamh chomh luath agus is féidir agus déan cinnte go luann tú go mbeidh tú ag freastal ar an bhféile. Má tá tú ag glaoch ar na hóstáin chun áirithint a dhéanamh, tá sé riachtanach a rá leo go mbeidh tú ag freastal ar Oireachtas na Samhna 2020 chun leas a bhaint as an ráta speisialta seo.
|
|
|
|
|
|
|
|
