Gradaim Chumarsáide || An tOireachtas

Déanann Gradaim Chumarsáide an Oireachtais ceiliúradh ar ardchaighdeán agus ar shár-iarrachtaí a chuirtear i gcrích in earnáil na cumarsáide Gaeilge gach bliain. Tá fás agus forás tagtha ar Ghradaim Chumarsáide an Oireachtais le hos cionn fiche bliain anuas faoi mar atá ar an earnáil lena mbaineann siad. Is iontach an deis iad na Gradaim le haitheantas a thabhairt do na hiriseoirí, na láithreoirí teilifíse & raidió, lucht déanta clár agus eile a rinne cion thar na bearta le dhá mhí dhéag anuas. Bíonn Ócáid Bhronnta na nGradam ar cheann de bhuaicphointí fhéilire na nGael agus lucht na meán Gaeilge gach bliain. Is iad na catagóirí Gradam a bhíonn ann ná:

Sraith Teilifíse na Bliana
Scannán/Clár Teilifíse na Bliana
Pearsa Teilifíse na Bliana
Sraith Raidió na Bliana
Clár Gaeilge na Bliana ar Raidió Pobail
Clár Gaeilge na Bliana ar Raidió Tráchtála
Pearsa Raidió na Bliana
Colúnaí na Bliana
Craoltóir Solabhartha na Bliana
Iriseoir na Bliana
Réalta Óg na Bliana
Buaic-Ghradam Cumarsáide an Oireachtais

Cartlann

Buaiteoirí na nGradam Cumarsáide

Teistiméireacht

Is iomaí gradam idirnáisiúnta atá faighte ag na meáin Ghaeilge ach sna gradaim chumarsáide náisiúnta in Éirinn meastar na meáin chumarsáide tri lionsa an Bhéarla. Le Gradaim Chumarsáide an Oireachtais faigheann muid breithiúnas an chroí-lucht féachana agus an chroí-lucht éisteachta ar na meáin s’ againne féin. Níl aon bhreithiúnas níos tábhachtaí ná sin.

Alan Esslemont Ardstiúrthoir TG4

Tugann Gradaim Chumarsáide an Oireachtais sprioc duit le caighdeán iriseoireachta/craoltóireachta níos airde a bhaint amach agus, má bhíonn an t-ádh leat, an t-aitheantas nuair a éiríonn leat obair mhaith a dhéanamh go leanúnach. Ta taitneamh le baint as an iomaíocht, ionracas ag baint leis an bpróiseas agus ríméad ag baint le gradam a bhuachan. Ta mór-mheas ar na gradaim sa tionscal.

Cormac Ó hEadhra Cormac@5