Bhí Sean-Nós na Fearsaide ar siúl ó 24 - 25 Feabhra 2023 agus bhí áthas ar An tOireachtas a bheith ag obair i gcomhpháirt le Cumann Cultúrtha Mhic Reachtain arís i mbliana don fhéile.
Bhí cuid de bhuaiteoirí Oireachtas na Samhna 2022 i láthair don deireadh seachtaine - Buaiteoirí Lúibíní: Aodán Ó Ceallaigh & Ógie Ó Céilleachair; Buaiteoirí Agallamh Beirte: Máirín Nic Con Iomaire & Ruairí Mac Con Iomaire; Buaiteoir Chorn Uí Riada: Bríd Ní Mhaoilchiaráin; Buaiteoir Shean-Nós na mBan: Sláine Ní Chathalláin; Buaiteoir Shean-Nós na bhFear: Domhnall Ó Braonáin; Buaiteoirí Steip: Seán Ó Loingsigh & Becky Ní Éallaithe; Buaiteoir Chorn Uí Riada (2009): Doimnic Mac Giolla Bhríde; Buaiteoir Shean-Nós na bhFear (2018): Irial Ó Ceallaigh; Buaiteoirí Lúibíní (2019): Caoileann & Deirdre Ní Dhonnchadha & Áine Ní Chróinín; agus Buaiteoirí Lúibíní & Agallamh Beirte: Ray Mac Mánais & Joe Ó Dónaill.
Déanaimid comhghairdeas ó chroí le gach duine a ghlac páirt sna comórtais amhránaíochta ar an sean-nós:
Corn Mhic Aindreasa:
Céad duais: Síomha Ní Ghribín
Dara duais: Micheál Breathnach
Tríú duais: Lasairfhíona Ní Bhraonáin
Corn Uí Chriagáin:
Céad duais: Mairéad Ní Fhlatharta
Dara duais: Feilimí Ó Conchúbhair
Tríú duais: Treasa Uí Churraighín
