.png)
.png)
 (1).png)
.gif)
Tá scéimeanna tacaíochta do na taibhealaíona teangabhunaithe (na healaíona béil) fógartha ag An tOireachtas. Is deis iontach é seo d’ealaíontóirí, do ghrúpaí, do chompántais drámaíochta pobail (nua agus seanbhunaithe) agus d’ionaid chultúrtha tacaíocht a lorg d’imeachtaí, d’fhéilte, do shraitheanna ceardlann, agus do thionscadail eile.
FORBAIRT CLEACHTAIS AGUS FORBAIRT FREASTAIL
FÓDÚ
Is scéim urraíochta é seo chun tacaíocht agus spreagadh a thabhairt d’imeachtaí agus do thionscadail sna taibhealaíona teangabhunaithe Gaeilge. Áireofar tionscadail, féilte, imeachtaí, scoraíochtaí agus eile faoin scéim seo.
AR BHARR DO THEANGA
Beidh tacaíocht mhaoinithe ar fáil tríd an scéim seo le ceardlanna sna taibhealaíona teangabhunaithe Gaeilge a reáchtáil agus le forbairt cleachtais sna taibhealaíona a chothú i measc an phobail.
Beidh comhairle leanúnach ar fáil ó fhoireann na dtaibhealaíon: taibhealaiona@antoireachtas.ie
Is ag freagairt do Phlean Gníomhaíochta Ceithre Bliana an Oireachtais do na Taibhealaíona Teangabhunaithe Gaeilge, faoi threoir na Straitéise Náisiúnta d’Ealaíona Teangabhunaithe na Gaeilge, le maoiniú ón Roinn Forbartha Tuaithe agus Pobail agus Gaeltachta atá na scéimeanna seo á bhfógairt.
Is gá clárú roimh ré trí ríomhphost a sheoladh chuig taibhealaiona@antoireachtas.ie
#Oireachtas2026