Fógraíodh gearrliosta na bliana seo do Gradaim Chumarsáide an Oireachtais i gcomhar le Gala níos túisce inniu. Tugann na gradaim bhliantúla seo aitheantas do na láithreoirí, aisteoirí, iriseoirí agus lucht déanta clár ar an raidió agus ar an teilifís a bhfuil cion thar na bearta déanta acu i réimse mheáin chumarsáide na Gaeilge le bliain anuas. Is in Óstan an Meyrick i nGaillimh, a bheidh searmanas bhronnadh na ngradam Dé hAoine, 27 Bealtaine 2011, agus is í Maura Derrane, Four Live (RTÉ), a bheidh ag láithriú na hócáide. TáGala, ceann de na grúpaí siopaí áise is mó foráis in Éirinn le deich mbliana anuas, i mbun urraíochta ar na gradaim don dara bliain as a chéile.
"Beidh sceitimíní orainn go ceann cúpla seachtain," arsa Liam Ó Maolaodha, Stiúrthóir Oireachtas na Gaeilge, "agus na craoltóirí, aisteoirí agus iriseoirí is fearr sa tír san iomaíocht maidir leis an gradaim seo. Tá na Gradaim Chumarsáide bunaithe go maith faoi seo agus is breá linn Gala a bheith i gcomhar linn arís i mbliana. Bíonn oíche na ngradam, a bheidh ar siúl in Óstán an Meyrick i nGaillimh i mbliana, ar cheann d'ócáidí sóisialta móra na bliana d'earnáil na meán cumarsáide Gaeilge. Tá iomaíocht ghéar ann i mbliana idir craoltóirí éagsúla — TG4, RTÉ agus an BBC — agus foilseacháin éagsúla — Foinse, Gaelscéal agus an Irish Times — guímid gach rath orthu uilig,” a deir sé.
Tá Gala, i gcomhar le Oireachtas na Gaeilge, ag rith an Ghradaim don Ghael-Réalta Gala na Bliana arís i mbliana. Is iad Aoibhinn Ní Shúilleabháin, Síle Seoige, Dáithí Ó Sé agus Eimear Ní Chonaola atá ainmnithe don ghradam agus is trí vótáil an phobail a roghnaítear an buaiteoir. Beidh an vótáil ar siúl go dtí an 6 Bealtaine agus is féidir vóta a chaitheamh do rogha na bliana seo agat mar Ghael-Réalta Gala na Bliana arwww.gala.ie nó www.facebook.com/galaretail.
"Tá cumas iontach ag baint le gach duine agus gach clár a ainmníodh ar ghearrliostaí na bliana seo doGhradaim Chumarsáide an Oireachtais i gcomhar le Gala agus is ábhar mórtais dúinne, miondíoltóir Éireannach le 200 siopa áise agus na mílte fostaí ar fud na tíre, baint a bheith againn leis an gcaighdeán barr feabhais in earnáil na Gaeilge," arsa Gary Desmond, Príomhfheidhmeannach Seirbhísí Miondíolacháin Gala. "Ar scáth an phobail a mhaireann na siopaí sin againne agus is ceiliúradh ar dhúchas agus ar oidhreacht na hÉireann atá i gceist leis an urraíocht chultúir seo ag Gala. Tugadh isteach gradam anGael-Réalta Gala na Bliana d'fhonn fairsingiú ar réimse Gradaim Chumarsáide an Oireachtais i gcomhar le Gala agus baint a bheith ag lucht siopadóireachta i siopaí Gala leo. Caitheadh cuid mhór vótaí anuraidh agus ba é Dáithí Ó Sé a thug an chraobh leis. Tá súil againn go mbeidh na mílte ag logáil isteach arwww.facebook.com/galaretail i mbliana chun vóta a chaitheamh agus páirt a bheith acu in Gael-Réalta Gala na Bliana na bliana seo a thoghadh."
Tá Údarás na Gaeltachta ag déanamh páirt-urraíochta ar na trófaithe do na Gradaim arís i mbliana.
Tugtar liosta iomlán na n-ainmniúchan san aguisín atá ag gabháil leis seo.
Tá breis eolais ar fáil ó:
Natasha Fennell, Stillwater Communications Úna Ní Chárthaigh, Stillwater Communications
T: 01 677 0630 R: natasha@stillwater.ie T: 01 677 0630 R: una@stillwater.ie
- Sraith Teilifíse na Bliana
- Corp & Anam – Magamedia Production do TG4
- Ros na Rún – EO Teilifís do TG4
- Seachtar na Cásca – Abú Media do TG4
- Ó Tholg go Tolg – Red Pepper Productions do TG4
- Scannal – RTÉ
- Pearsa Teilifíse na Bliana
- Eimear Ní Chonaola – TG4
- Mícheál Ó Domhnaill - TG4
- Páidí Ó Lionáird – TG4
- Áine Goggins – TG4
- Tomaí Ó Conghaile – BBC Thuaisceart Éireann
- Aisteoir na Bliana
- Diarmuid de Faoite (Cathal Mac Iarnáin) – Corp & Anam
- Brídín Nic Dhonncha (Gráinne) - Ros na Rún
- Colm Mac Donnchadha (Tom Bán) - Ortha na Seirce
- Lisa Ní Laoire (Molly) – Ros na Rún
- Michelle Beamish (Paddy) – Seacht
- Mícheál Ó Dubhghaill (Michael Folan) - Corp & Anam
- Clár Raidió na Bliana
- I Request Live – i105107
- Rónán Beo @ 3 – RTÉ Raidió na Gaeltachta
- Nuacht a hAon - RTÉ Raidió na Gaeltachta
- Fuaim Eile – Raidió RíRá
- Iris Aniar – RTÉ Raidió na Gaeltachta
- Pearsa Raidió na Bliana
- Miriam Ní Mheachair – i105107
- Eibhlín Ní Chonghaile – RTÉ Raidió na Gaeltachta
- Rónán Mac Aodha Bhuí – RTÉ Raidió na Gaeltachta
- Barbara Nic Dhonnacha – i102104
- Cillian de Búrca – Raidió RíRá
- Iriseoir na Bliana sna Meáin Chlóite
- Orla Bradshaw – Foinse
- Robert McMillen – beo.ie agus Irish News
- Eoghan Ó Néill – Nuacht 24
- Treasa Bhreathnach – Gaelscéal
- Conall Ó Móráin – Gaelscéal
- Colúnaí na Bliana sna Meáin Chlóite
- Alan Titley ( Irish Times) – Crobhingne
- Mícheál P. Ó Conaola (Foinse) – Smaointí Fánacha
- Seán P. Ó hÉalaí (Irish Times) – Beocheist
- Eoghan Ó Néill (Gaelscéal )
- An Gradam Saoil
- Mícheál Ó Muircheartaigh
- Gearóid Ó Cairealláin
- Cathal Goan
- Cathal Portéir