Oireachtas na Samhna || An tOireachtas

Beidh Oireachtas na Samhna ar siúl i gCill Airne, Co. Chiarraí ó 28 Deireadh Fómhair - 1 Samhain 2026.

LÓISTÍN
Is fiú d'áirithint lóistín a dhéanamh a luaithe agus is féidir le cinnte a dhéanamh de go mbeidh lóistín agat don fhéile i mbliana. Tá tuilleadh eolais maidir le lóistín ar fáil ANSEO!

IMEACHTAÍ
Táimid ag súil le clár spleodrach a chur os chomhair phobal na Gaeilge agus na Gaeltachta um Shamhain arís! Má tá spéis agat imeacht a reáchtáil ar chlár oifigiúil na féile, déan teagmháil linn ag faisneis@antoireachtas.ie chun do spéis a léiriú. Tá imeachtaí na féile le feiceáil ANSEO!

NA COMÓRTAIS TAIBHEALAÍON
Is iad na comórtais taibhealaíon croílár na féile. Nílimid ag glacadh le hiontrálacha go fóill ach coinnigh súil ar an leathanach seo chun an scéal is déanaí a fháil.

Iomaitheoirí

Comórtais

Lucht Féachana

Bliain

Cartlann

Buaiteoirí Oireachtas na Samhna

Teistiméireacht

Breathnaíonn lucht labhartha na Gaeilge orainn féin go minic mar phobail atá briste, scaipthe, scoite amach óna chéile ach ag Oireachtas na Samhna feiceann muid dháiríre cé chomh láidir, bríomhar agus spleodrach atá muid mar phobal. Tá fás thar na bearta tagtha ar an Oireachtas le fiche bliain anuas agus éacht déanta ag Liam agus ag foireann an Oireachtais.

Alan Esslemont Ardstiúrthoir TG4

Oireachtas na Gaeilge! Buaicphointe na bliana do lucht na Gaeilge. Bíonn gach gné d'ár gcultúr i réim ann - an teanga, an ceol, an rince, an amhránaíocht, an drámaíocht, na hagallaimh, díospóireacht agus taispeántais de gach saghas. Cuir leis sin an spiorad agus an spleodar a bhaineann leis an dream óg spreagúil a bhíonn i láthair agus táim cinnte nach bhfuil a leithéid eile d'fhéile ar domhan. Gura fada buan iad!

Seán Ó Muimhneacháin Iar-Uachtarán